Þetta er versta...

...veffrétt í heimi!

----------------------------------------------------

Erlent | AFP | 12.7.2007 | 20:41

Einn hinna grunuðu sleppt úr haldi 

Lögreglan á Bretlandi leystu konu úr haldi, sem grunuð hafði verið um að taka þátt í hryðjuverkaárásunum í Lundúnum og Glasgow, í dag. Marwa Asha var handtekinn ásamt eiginmanni sínum á M6 hraðbrautinni í Cheshire þann 30. júní síðastliðinn. Hún mun ekki verða ákærð.

Talsmaður Skotland Yard sagði að henni hafi verið sleppt í kvöld og hún muni ekki verða ákærð.

---------------------------------------------------
 
Hér eru engin brögð í tafli...þetta er fréttin eins og hún birtist á mbl.is. 
Sko.  Það hlýtur að vera hægt að finna sumarafleysingafólk, það á ekki bara við um vefmiðlana heldur öldur ljósvakans líka, sem skammlaust getur haldið því fram að íslenska sé móðurmál þess.  Ég geng út frá því sem vísu að "höfundur" þessa texta sé lausráðinn.  Jafnvel að frá og með kl. 20.42 þurfi viðkomandi að leita sér að vinnu.

Áskorun dagsins:  Hvað finnið þið margar villur í þessum magnaða fréttatexta?

Ekki er þó allt alslæmt.  Fregnir herma að Jóhann Hauksson, morgunhani á Útvarpi Sögu, hafi fyrir skemmstu tryggt sér Evrópumeistaratitilinn í spurningalengd í útvarpi.  Meðlimir í aðdáendaklúbbi útvarpsmannsins knáa í Saxlandi fögnuðu titlinum af mikilli ákefð, eins og meðfylgjandi fréttamynd ber með sér.

Athugasemdir

[Rúnarsdóttir, 12.7.2007 kl. 21:53]

Amk þrjár hreinræktaðar villur og að auki þrjú málfarsleg lögreglumál sem enda þó sennilega með dómsátt ef viðkomandi lofar að vinna aldrei með ritaðan texta framar.

[Heimir Eyvindarson, 12.7.2007 kl. 23:35]

Ég segi nú bara eins og fastráðni íþróttafréttamaðurinn á Stöð 2: Það er stutt á milli hláturs og gráts