Hnjúkar

Umtöluðustu hnjúkar álfunnar eru tilkomumiklir.  Það var dálítið magnað að keyra yfir tvær af þremur stíflum, upplifa stærðina, setja hlutina í ákveðið samhengi og snæða svo hádegisverð á hálendinu.

  

Svenni bílstjóri var að öðrum ólöstuðum maður dagsins.  Fróðleikurinn sem vall upp úr manninum var með ólíkindum.  Á leiðinni tilbaka var náttúrulega ekki hægt að rekja sögulegar staðreyndir og henda í okkur fróðleiksmolum í öfugri röð, þannig að gripið var til þess ráðs að segja valdar sögur af merkum mönnum og konum.  Íslensk fyndni er engu lík.
Sagan sem einhverra hluta vegna stendur upp úr er af séra Bjarna, sem hringdi í Þórmund bónda til að athuga hvort vestanvindar hefðu haft áhrif á heyskapinn.  Bóndinn sagði farir sínar ekki sléttar, hey hefði fokið út í veður og vind og að "þetta væri allt verk hans þarna í neðra".  "Nú", svaraði sérann, "ertu viss um að hann hafi átt hlut að máli?"  "Já", svarði bóndinn að bragði.  "Ég er alveg viss um að hinn myndi ekki gera svona!"
Tímalaus snilld.

Þessar reyndust ekkert sérlega móttækilegar fyrir rammíslenskri gamansemi...

  

Athugasemdir

[Einar Bragi Bragason., 29.9.2007 kl. 02:00]

Já þetta er magnað,skrapp þarna um daginn....maður er svolítið lítill í kringum þetta.Áfram Leeds