ÍNN...

...hefur heldur betur stytt mér stundirnar í veikindum síðustu daga.  Það er eitthvað við óformlegheitin sem er óendanlega heillandi.  Sumt varðandi óformlegheitin er reyndar stórkostlega furðulegt. 

Það hefur til dæmis komið í ljós að hægt er að stjórna heilum sjónvarpsþætti án þess að vera í myndverinu.  Án þess að vera á landinu.  Það er algjörlega óborganlegt.

Þegar Ingvi Hrafn er á Florida, hvar haldnar voru undarlega margar ráðstefnur fréttamanna í árdaga Stöðvar 2, stýrir hann þættinum sínum í gegnum fartölvu.  Gesturinn situr grandalaus í myndverinu og spjallar við tæki og tól eins og enginn sé morgundagurinn...

Annað slagið er svo skipt yfir á stjórnandann, sem eys úr skálum visku sinnar fyrir framan netmyndavél af bestu gerð...

Þetta er stórbrotið sjónvarp.

Athugasemdir

[Ómar Ingi, 7.4.2008 kl. 22:37]

Hummmmm

[Jón Birgir Valsson, 8.4.2008 kl. 23:56]

Engan þarf Ingvi farðann handan hafsins eins og glöggt má sjá...

[[e-mail] (IP-tala skráð) 20.4.2008 kl. 02:18]

úfff... þetta er hreinasti dónaskapur og argasta vitleysa. Það ætti hreinlega að banna þetta !! Ég get ekki einu sinni horft í 2 mínútur án þess að arga upp úr sjálfri mér ; "úfff, slökkva núna... STRAX" Fáránlegt... hver borgar eiginlega ?? Það segir mér enginn að auglýsendur borgi fyrir allt þetta djöfulsins bull !