Sonurinn lætur sér fátt um finnast

Númi Snorrason fylgdi föður sínum í vinnuna í kvöld.  Faðirinn gerði sér ákveðnar væntingar/vonir um að t.d. flugmóðurskipið í Efstaleitinu myndi heilla soninn, að tækin og tólin vektu aðdáun og athygli og að fumlaus handtök veittu honum innblástur til afreka.

Númi ákvað hins vegar að leggja sig fljótlega eftir að Sigvaldi lauk lestri tíufrétta.

Í baksýn sést glitta í annan af tveimur EMT plötuspilurum Ríkisútvarpsins, sem í sína tíð þóttu einhver glæsilegustu og mikilvægustu tækin í eigu stofnunarinnar.  Þeir voru jafnvel taldir standa tveimur eða þremur tiltölulega áhugalitlum dagskrárgerðarmönnum jafnfætis þegar hlutum var raðað eftir mikilvægi og kostuðu álíka mikið og lítil vatnsaflsvirkjun.  Í dag þjóna þeir svipuðu hlutverki og nýjasta hillusamstæðan frá IKEA.

Athugasemdir

[Einar Bragi Bragason., 21.11.2007 kl. 00:35]

Nýtt Draumalag í spilaranum hjá mér

[Guðni Már Henningsson, 29.11.2007 kl. 12:50]

mmmmmmmmmmmm góðir spilarar....

[VBV (IP-tala skráð) 29.11.2007 kl. 21:45]

Mér finnst hann Númi þinn bera af en ekki þessi eldgamli spilari. Þú minn kæri ættir þó að athuga þinn gang í ...lífinu þegar Númi, sem er hundur, er í þínum huga orðinn sonur þinn. Chiao

[Bjarmi (IP-tala skráð) 6.12.2007 kl. 16:49]

Sælir

Rambaði hérna inn af tómri tilviljun og þótti ekki annað hægt en að kvitta fyrir innlitið. Er komin á suðurlandið, droppaðu á mig línu og við kíkjum á kappleik saman.

[Gulla (IP-tala skráð) 11.12.2007 kl. 11:22]

...og enn lætur sonurinn sér fátt um finnast....

[Jóhann Hlíðar (IP-tala skráð) 19.12.2007 kl. 09:57]

Jæja félagi, þá hendi ég þér út úr favorites eins og öllum þeim sem láta líða mánuð eða meira á milli blogga. Takk fyrir mig, var gaman á meðan var.

[Snorri Sturluson, 19.12.2007 kl. 13:29]

Æ...mér fannst eins og enginn tæki eftir þessu. 
Það væri kannski ráð að spýta í lófa og birta jafnvel rómað myndband hvar sjá má eitt glæsilegasta handboltamark sem skoraði hefur verið á íslenskum fjölum.