Ótrúlegar tækniframfarir!

Það er alveg með ólíkindum hvað tæknin sem umlykur okkur allt um kring er orðin fullkomin.  Þegar þrjár meintar söngkonur stigu á svið á Laugardalsvelli í kvöld reyndi nýi flatskjárinn minn að varpa sér fram af svölunum.

Á leið minni til vinnu í Efstaleiti keyrði ég fram á það sem virðist hafa verið félagsfundur Íslenskra búningaeigenda.  Líklega hefur þetta verið sögulegur fundur, jafnvel árshátíð, því hópurinn virtist vera að festa herlegheitin á filmu.  Mér var nokkuð brugðið, en hafði þó rænu á því að smella af einni mynd.

Athugasemdir

[Gunnar Reyr Sigurðsson, 18.8.2007 kl. 00:47]

Þeir hljóta að hafa verið að koma af balli með "Stuð"mönnum þessir...

[Eva Þorsteinsdóttir, 18.8.2007 kl. 01:01]

Er verið að gera mynd um hinn Íslenska Súperman???

[Markús frá Djúpalæk, 18.8.2007 kl. 06:42]

Aaaargh náðist mynd af okkur???!!!

[Hjalti Garðarsson, 18.8.2007 kl. 16:39]

Það er eins gott að myndin er tekin úr fjarlægð Markús.  Annars gæti fólk þekkt okkur á myndinni.  Hjúkk.

[Markús frá Djúpalæk, 18.8.2007 kl. 17:42]

Við sluppum vel þarna félagi

[Jens Guð, 19.8.2007 kl. 01:11]

   Akureyringurinn Magnús Geir Guðmundsson er að skjóta föstum skotum á þig í "kommentakerfinu" við færslu mína um snilldar þýðingu þína á nafni lagsins "No Woman No Cry".  Ég veit ekkert um hvað málið snýst.  Dettur helst í hug að það snúi að pólitík eða afstöðu til fótbolta.  Ég er ekki vel að mér í þessu dæmi.  Þekki ekki til pólitíkur á Akureyri eða afstöðu til boltamála þar.  Né annars staðar.  Er alveg úti að aka.  Nema það að ég dáist enn að þýðingunni á umræddu lagi. 

[Snorri Sturluson, 19.8.2007 kl. 14:26]

Takk fyrir ábendinguna Jens.  Ég veit ekki hvort ég á að hafa áhyggjur af því að ókunnur maður norður á Akureyri fylgist með mér af slíkum áhuga, telji sig hafa pólitiskan þankagang minn og atvinnumál á hreinu.  Ég ætti kannski bara að stofna klúbb.

[Ingvar Valgeirsson, 19.8.2007 kl. 17:01]

Klúbbar eru ofmetnir.

Flatskjárinn var ekki að henda sér fram af svölunum vegna Nælons. Hann vissi að Garðar Cortes væri væntanlegur á svið og vildi vera viss um að þurfa ekki að hlusta á Hunting High and Low í flutningi hans.