Stóð honum úti á túni?

Þetta blasir við á bls. 26 í Fréttablaðinu í dag.  Líklega hafa prófarkalesarar blaðsins haldið árshátíð um helgina með viðeigandi sunnudagsslappleika og skertri athyglisgáfu.

 

 

 

 

 

 

 

 
Annars er ekkert nema gott eitt um landsliðið að segja.

Þau undur og stórmerki gerðust um helgina að á öldum ljósvakans var flutt lag við texta síðuhaldara.  Það var undarleg upplifun.  Textinn fjallar um knattspyrnuástundun Gnúpverja.  Hann var pantaður.  Magnús Þór hinn eldri þarf kannski ekki beinlínis að fara að vara sig, kveðskapurinn var ekkert sérlega dýr, en vegna ágætrar skemmtunar við smíðina og sjálfhverfu er vel hugsanlegt að framhald verði á.  Þá er nú ansi hentugt að vera tiltölulega nýbúinn að festa fé í glimrandi kassagítar úr búð tóna.
Komi til almenns þrýstings og auðsýnds áhuga er vel hugsanlegt að textinn verði birtur hér á síðunni. 

Athugasemdir

[Guðni Már Henningsson, 10.9.2007 kl. 12:48]

Fyrst þú átt gítar...værir þú þá til í að gera treiler fyrir mig aftur.. hinn er glataður!!!

[Snorri Sturluson, 10.9.2007 kl. 17:08]

Auglýsingastiklan er tímalaus snilld Guðni minn...og þú veist það.  Þar sem mér hefur farið stórlega fram sem gítareiganda má ganga að því vísu að ný auglýsingastikla yrði áheyrilegri, það skal fúslega viðurkennt, en hún yrði líka talsvert dýrari.

[arnar valgeirsson, 10.9.2007 kl. 17:25]

set þig undir verulega pressu með að birta textann. og þar sem gítarinn er úr búð tóna hlýtur hann að vera kostagripur. nánast kennir á sig sjálfur.

en um landsliðið. auðvitað er gott að gera jafntefli við spán. það er samt verra að vera í nauðvörn síðustu 30 mínúturnar einum fleiri ha... en þetta var spennandi og það er ekki hægt að skamma strákana fyrir leti.

og Leeds er búið að vinna fyrstu fimm leikina og er komið með 0 stig!!!

[Hörður Magg (IP-tala skráð) 10.9.2007 kl. 19:02]

Ég veit að Brian Wilson er að leita að textahöfundi fyrir næstu plötu.

[S. Lúther Gestsson, 10.9.2007 kl. 20:13]

Eigum við ekki að fá textann birtann.

[bnak (IP-tala skráð) 11.9.2007 kl. 09:24]

Fáum textann og lagið með er orðinn spenntur að heyra

[Ingvar Valgeirsson, 11.9.2007 kl. 14:39]

Ég vil endilega að þú setjir inn mynd af gítanum!

[Snorri Sturluson, 11.9.2007 kl. 15:27]

Góð hugmynd Ingvar!  Þá geturðu fylgst svolítið með þessum burtflogna syni þínum.

[Ingvar Valgeirsson, 11.9.2007 kl. 16:54]

Sem þú ættleiddir...