Þetta er hann...

...Ásgeir litli.  Litli er listamannsnafn.

Ásgeir auðgar tilveru þeirra sem eru honum samferða með fádæma snilld og dugnaði.  Innan um óaðfinnanleg verk sem hann vinnur af samviskusemi leynast sannkallaðir gullmolar.  Fyrir fáeinum vikum fór hann ansi nærri því að kljúfa sjálfan sig í herðar niður þar sem hann reyndi fyrir sér í steinakasti.  Þrátt fyrir tiltölulega auðskiljanlegar leiðbeiningar tókst honum að sveifla kaststeininum upp og aftur fyrir sig og það er einvörðungu æðri máttarvöldum að þakka að hann skartar enn höfði og þjóhnöppum.  Andstæðingur hans í steinakastinu, 93 ára heiðursmaður, vann öruggan sigur.
Um helgina tók hann viðtal við ungan hestamann sem þátt tók í ístölti.  Hluti viðtalsins er einhvern veginn svona, lauslega þýtt og endursagt:

Ásgeir litli:  Er allt öðruvísi að taka þátt í svona ístölti heldur en venjulegu tölti?
Hestamaðurinn ungi:  Já!
Ásgeir litli:  Hvað er það sem er svona ólíkt?
Hestamaðurinn ungi (frekar hneykslaður):  Ís!!!

Athugasemdir

[Benni (IP-tala skráð) 3.3.2008 kl. 19:35]

Minnir óneitanlega á stuttaraleg og óborganleg tilsvör ísknattleiksmarkvarðarins (landsliðsmannsins!) á dögunum. Maður fær víst ekki að semja tilsvörin...

[Jón Birgir Valsson, 5.3.2008 kl. 10:24]

Hvernig voru þau tilsvör Benni? Missti nefninlega af því viðtali.