Ég skemmti mér...

...sem aldrei fyrr yfir endurteknu efni á Útvarpi Sögu í dag.  Tvær valkyrjur gerðu heiðarlega tilraun til að gera út um að því er virtist langan og djúpstæðan ágreining, en ég kom of seint til leiks til að átta mig á því hverjar þetta voru eða hvert deiluefnið nákvæmlega var.  Náði því þó að þetta snérist að einhverju leyti um ónefnd samtök og hvað önnur þeirra kaus í síðustu alþingiskosningum.  Algjörlega óborganlegt útvarpsefni.  Skotin gengu á víxl, stór orð voru látin falla, önnur sagði hinni aftur og aftur að þegja og allt í einu blönduðust inn í þetta hæfileikar annarrar hvorrar til að ná sambandi við hina framliðnu.  Algjörlega frábært útvarp.  Þetta var eiginlega betra en Tvíhöfði og Radíus til samans.

Ég tók því fagnandi þegar ég sá að FM957 hefur blásið í herlúðra og ætlar að efna til tónlistarverðlaunahátíðar.  Ekki það að ég sé sérstakur aðdáandi téðar útvarpsstöðvar, hún er reyndar frábærlega markaðssett og nær til hópsins sem hún á að höfða til og skilar sínu hlutverki ágætlega.  Fögnuðurinn lýtur frekar að því að einhver tekur sig til og reynir að leiðrétta þennan undarlega gjörnin sem Íslensku tónlistarverðlaunin eru.  Orðið "leiðrétta" er hér notað á ansi frjálslegan hátt, ég veit það.  Mig rak hins vegar í rogastans þegar ég sá tilnefningarnar.  Fjórar af þeim fimm plötum sem tilnefndar eru sem plata ársins komu út árið 2005; My Delusions, Undir þínum áhrifum, Emotional og Death Before Disco.  Í flokknum lag ársins eru lög af tveimur þessara platna og meðal þeirra sem tilnefndir eru sem nýliðar ársins eru Ampop og Trabant!  Ampop var t.a.m. að gefa út fjórðu plötuna sína fyrir skemmstu!  Ég ekki alveg skilja.
Veit annars einhver hvaða útvarpsstöð útvarpaði fyrst allra á fm-tíðninni 95.7?

Frétti af því í dag að væringar á útvarpsmarkaði hefðu verið til umfjöllunar í fjölmiðlafræðitíma í ónefndum framhaldsskóla.  Kennarinn hafði víst orð á því að eftirsjá væri í XFM.  Þetta hlýtur að vera frábær kennari.

Ég hef sagt það áður og segi það enn...Hörður Magnússon er snillingur.  Knattspyrnuástríða hans og óbilandi trú á Liverpool Football Club opna nýjar víddir.  Í hálfleik á bikarleik Man.United og Aston Villa í gær fór hann yfir helstu úrslit bikarhelgarinnar, Swansea vann Sheff.Utd., West Ham lagði Brighton og hvað þetta var nú allt saman.  Sigurliðið alltaf talið á undan.  Svo kom að stórleiknum, Liverpool - Arsenal..."og Liverpool tapaði fyrir Arsenal 1-3." 

Vísbending um tónlistarmanninn sem átti afmæli í gær.  Hann heitir Mike.  Bróðir hans heitir Paul.  Móðir þeirra hét Mary.

Athugasemdir

[Davíð, 8.1.2007 kl. 22:59]

Sæll Snorri, ég skemmti mér líka konunglega yfir þessum þætti. Ég rambaði á þetta og gat ekki hætt að hlusta, ég hélt að ég væri kannski með undarlegan húmor en það virðast fleiri en ég hafa geta skemmt sér yfir þessu. Vona bara að það verði framhald...

[Hafún (IP-tala skráð) 8.1.2007 kl. 23:03]

Ég hlustaði líka, þetta var ótrúlegt, alveg ótrúlegt. En forsaga þessar furðulega máls er sú að ágæt kona að nafni Sigrún stofnaði samtök gegn fátækt (frekar fyndið, er einhver með fátækt?).  Sigrún þessi hringir reglulega inn á útvarp sögu og lætur móðin mása m.a. um málefni þeirra sem leita til samtakanna.  Einnig hrósaði hún Villa Vill fyrir borgarstjórnarkostningar.  Nú Sveinsína sem var á móti henni hefur verið að hringja reglulega inn á útvarp Sögu líka til að drulla yfir  Sigrúnu.  Sveinsína segir að samtök gegn fátækt sé ekki til, þeir sem þykjast vera formenn í slíkum samtökum mega ekki kjósa XD og einning er Sveinsína ósátt við hversu mikið Sigrún hringir inn á sögu.

Þetta eru semsagt helstu deilumáinn.  Arnþrúður Kals ákvað að bjóða þeim í útvarpið til að takast á! Hún spilaði meira að segja rocky lagið á undan og allt! 

Þetta var magnað, ég hef bara aldrei á ævinni heyrt jafn ómálefnalegar umræður í fjölmiðlum.

Það er líka sorglegt hvað ég er mikið inn í málunum!!!!  En á hvað á maður að hlusta eftir að XFM var selt til 365 og lagt niður 

[Gulla (IP-tala skráð) 8.1.2007 kl. 23:55]

Þetta er fínn staður Snorri og hættu nú þessu veseni.

Svo er útvarp á Íslandi ömurlegt. Ömurlegt. Ömurlegt. Svo mjög að mig langar að gráta. Og Hafrún....Útvarp Saga. Arnþrúður Karlsdóttir. Sveinsína. Halló? Er e-r heima?

[Hafrún (IP-tala skráð) 9.1.2007 kl. 00:10]

Er þetta Mike bróðir Páls Bítils?...... og Mary móðir þeirra er væntanlega sú sem er sungið um í laginu Let it be

.....times of trouble, mother Mary comes to me, speeking words of wisdom, let it be......

3 stig?

[Snorri Sturluson, 9.1.2007 kl. 15:54]

Hmmm...vissi ekki af því að þér væri kunnugt um þriggja stiga regluna...svona í ljósi þess að þú ert Arsenal-aðdáandi!

En...Mike McGear er vissulega bróðir Paul McCartney...og sonur Mary sem sungið er um í Let It Be.  Um það leyti sem hann stikaði út á þröngan tónlistarstíginn tók hann sér eftirnafnið McGear...til þess að njóta nú örugglega ekki endurvarps af frægðarsól brósa!  Grundvallarmistök.

[Sverrir Páll Erlendsson, 10.1.2007 kl. 10:07]

Æi já, Strákurinn sem var í Scaffold.

Ég þekkti hann náttúrulega ekki á þessari mynd. Það er með hann eins og mig, það hefur lýst svo mikið á honum hárið.